Суд-тиббиёт экспертлари ва тарихчилар Волфганг Амадей Моцартнинг ҳақиқий юз қиёфасини қайта тиклашди. Узоқ йиллар давом этган баҳсларга нуқта қўйиш мақсадида ўтказилган тадқиқот натижалари Daily Mail нашрида эълон қилинди.
Моцартнинг ҳақиқий қиёфаси қандай бўлган?
Моцартнинг ҳаётлигида чизилган суратлар бир-бирига мутлақо мос келмайди, вафотидан кейин яратилган портретлар эса реалликка қанчалик яқин экани номаълум. Суд-тиббиёт эксперти Цицерон Мораес бошчилигидаги жамоа бу жумбоқни ҳал қилишга киришди.
Чаноқ асосида юзни тиклаш
Тадқиқотчилар Моцартга тегишли деб тахмин қилинган бош чаноғини сканерлаб, виртуал моделини яратишди. Йўқолган қисмлар статистик маълумотлар ва анатомик таҳлиллар асосида қайта тикланди. Юз тузилишини аниқлашда:
- Европа аҳолиси ўртасидаги статистик ўлчамлар,
- Юмшоқ тўқималар қалинлиги,
- Анатомик деформация технологияси қўлланилди.
Натижа: Янги тасвир яратилди
Олимлар виртуал донор боши ва скелет маълумотларини бирлаштириб, Моцартнинг юз қиёфасини реал аниқликда қайта тиклашди. Ҳозирда ушбу модел тарихий манбалар ва замонавий тадқиқотлар билан таққосланмоқда.
Тадқиқот санъат ва тарих ихлосмандлари учун янги ўрганиш йўналишларини очиши мумкин.
