TikTok юлдузи Хаби Лейм АҚШда ҳибсга олинди

Улашиш:

Maшҳур TikTok юлдузи Хаби Лейм АҚШнинг иммиграция қонунчилигини бузганликда гумонланиб, Лас-Вегас халқаро аэропортида ҳибсга олинди. Бу ҳақда AFP агентлиги хабар берди.

Маълумотларга кўра, 25 ёшли блогер 30 апрель куни АҚШга кирган, бироқ визаси муддати  тугаб қолган. 6 июнь куни ҳуқуқ-тартибот органлари томонидан ушланган Лейм ўша куннинг ўзида қўйиб юборилган. У мамлакатни ихтиёрий равишда тарк этишга рухсат олган.

Хаби Лейм мазкур воқеа юзасидан ҳозирча ижтимоий тармоқларда ҳеч қандай изоҳ бергани йўқ.

2022-йилдан буён TikTok платформасида энг кўп обуначига эга бўлган Хаби Лейм соддалиги ва ҳазилга бой видеолари орқали машҳурликка эришган. У асосан кераксиз мураккаб маслаҳатларни кулгили тарзда танқид қилиб, оддий ечимларни кўрсатади. Бугунги кунда унинг TikTok’даги саҳифасида 162 миллиондан ортиқ обуначи бор.

Хаби Лейм 2000 йили Сенегалда туғилган. Кейинчалик унинг оиласи Италияга кўчиб ўтган. 2020-йилда пандемия сабабли заводдаги ишидан ажралган Лейм TikTok’da фаолият бошлаган. 2022-йилда у Fortune’нинг “40 Under 40” ва Forbes’нинг “30 Under 30” рўйхатларига киритилган.

2014-2025 SANGZOR.UZ. "KUMUSH SERVIS MEDIA" MCHJ.