50 йиллик самолёт парчаланди. 50 га яқин инсон ҳалок бўлди.

Россиянинг Амур вилояти осмонида яна бир фожиа — “Анагара” авиакомпаниясининг Ан-24 учоғи ҳалокатга учради. Парвозни тугатиши керак бўлган йўлнинг сўнги нуқтаси — Тында шаҳаридан бир неча километр узоқликда самолётнинг ёнган фюзеляжи топилди. Қутқарувчилар Тындадан 16 км масофада, тоғ ёнида, қалин ўрмон бағрида ҳалокат жойини аниқлашди.

Омон қолганлар йўқ

Бортда 43 йўловчи ва 6 экипаж аъзоси бор эди. Улар орасида беш нафар бола ҳам бўлган. Ми-8 вертолёти ҳалокат жойига қўна олмади — ўрмон бағри жуда қалин. Қидирув-қутқарувчилар пиёда йўлга чиқишга мажбур бўлди.

Сўнги алоқа — Тында аэропорти яқинида

Экипаж сўнгги бор ҳавода бир неча километр узоқда алоқага чиққан. Ундан кейин самолёт билан боғланишнинг иложи бўлмаган.

Сабаб ҳали номаълум

Авиация идораларининг билдиришича, Ан-24 парвоздан олдин техник кўрикдан ўтказилган. Аммо самолётнинг ёши — қарийб 50 йил. Парвозга яроқлилик сертификати 2036 йилгача узайтирилган бўлса-да, бундай кекса техника инсон ҳаёти учун жиддий хавф туғдираётгани яна бир бор намоён бўлди.

Вазият юзасидан текширув бошланган

Амур вилояти губернатори Василий Орлов воқеа юзасидан махсус комиссия тузилишини маълум қилди. Жамоатчилик эса бу фожиадан сўнг, Россия осмонларидаги хавфсизлик масаласини яна кўтармоқда.