Виржиния технология университети олимларининг тадқиқотига кўра, қайта ишланган гўшт ва шакарли газланган ичимликлар кексаларда хотира ва когнитив қобилиятларнинг заифлашишига бевосита таъсир кўрсатади.

Тадқиқот натижалари

• 7 йил давомида 55 ёшдан ошган 5000 дан ортиқ америкалик кузатилди;

• Қайта ишланган гўштни ҳар куни истеъмол қилиш когнитив пасайиш хавфини 17% га оширади;

• Ҳар бир газланган ичимлик эса хавфни яна 6% га кўпайтирди;

• Иккаласини мунтазам истеъмол қилганларда хотира пасайиши жараёни сезиларли тезлашди.

 Муҳим жиҳат
The American Journal of Clinical Nutrition’да чоп этилган мақолада таъкидланишича, бошқа ултрақайта ишланган озиқ-овқатлар мияга бундай кучли таъсир кўрсатмаган. Асосий хавф омиллари айнан колбаса, сосиска, хот-дог каби қайта ишланган гўшт маҳсулотлари ва газли ичимликлардир.

 Олимларнинг тавсияси

• Қайта ишланган гўштни камайтириш ёки уйда пишириш;

• Газли ичимликларни оддий ичимлик суви билан алмаштириш;

• Парҳездаги бу кичик ўзгаришлар эрта деменция ва хотира билан боғлиқ муаммолар хавфини камайтириши мумкин.