Давлат статистика қўмитаси Ўзбекистонда февраль ойида қайси ҳудудда энг кўп чақалоқ туғилганини маълум қилди.
Давлат статистика қўмитаси маълумотларига кўра, 2021 йилнинг февраль ойида Ўзбекистонда 53 мингдан зиёд чақалоқ туғилган. Шунингдек, қайд этилган туғилишлар сони вилоятлар кесимида қуйидагича:
- Қорақалпоғистон — 2449 нафар;
- Андижон — 4978 нафар;
- Бухоро — 2400 нафар;
- Жиззах — 2361 нафар;
- Қашқадарё — 5599 нафар;
- Навоий — 1359 нафар;
- Наманган — 4361 нафар;
- Самарқанд — 6441 нафар;
- Сурхондарё — 4855 нафар;
- Сирдарё — 1430 нафар;
- Тошкент — 4604 нафар;
- Фарғона — 5786 нафар;
- Хоразм — 2416 нафар;
- Тошкент шаҳри — 4421 нафар.
Эслатиб ўтамиз, аввалроқ Давлат статистика қўмитаси матбуот котиби Усмон Абдурасулов Ўзбекистонда бир оилага ўртача нечта фарзанд тўғри келишини маълум қилган эди. 2020 йилнинг январь–декабрь ҳолатига кўра, 16 ёшгача болалар мавжуд бўлган уй хўжаликлари 74,3 фоизни ташкил этган. Шундан 23,4 фоизи бир болали, 26,8 фоизи икки болали (энг юқори кўрсаткич), 16,9 фоизи уч болали ҳамда 7,2 фоизи тўрт ва ундан кўп болалиларни ташкил этган. 25,7 фоиз уй хўжаликларида эса 16 ёшгача болалар мавжуд эмас.
