Самарқанд ва Қашқадарё вилоятларини боғловчи «Тахтақорача» довонида ноқулай об-ҳаво шароити сабабли автотранспорт воситаларининг ҳаракати вақтинча чекланган эди.
Қашқадарё вилояти ИИБ ахборот хизмати хабарига кщра, музламаларни эритиш учун қум-туз аралашмалари сепилиб зарурий чоралар кўрилди.
Айни вақтда довон йўлида автотранспорт воситалари ҳаракатига рухсат берилган.
«Ҳайдовчилардан эҳтиёткор бўлишларини, об-ҳаво ва йўл шароитини инобатга олиб транспорт воситасини бошқаришларини сўраймиз», дейилади хабарда.
