Қозоғистоннинг Олмаота шаҳридаги президент қароргоҳи бузиб ташланиб, ўрнига халқ учун хиёбон қурилади. Бу ҳақда Қосим Жўмарт Тўқаевнинг матбуот котиби Берик Вали хабар берди.
Январь воқеалари чоғи, аниқроғи, 5-6 январь кунлари Қозоғистон президентининг Олмаотадаги хизмат қароргоҳи вайронага айлантирилган эди: биринчи қаватга олиб кирилган машина портлаб, ёнғин содир бўлганди.
Тиклаб бўлмайдиган ҳолатга келган бино ўрнига янгисини қуришмоқчи эмас. Бу ерга дарахтлар экиб, халқ сайр қиладиган хиёбонга айлантиришади.