Самарқанд шаҳрида Ўзбекистон Республикаси Транспорт вазирлиги, Қирғизистон Республикаси Транспорт ва коммуникациялар вазирлиги, Хитой Халқ Республикаси Тараққиёт ва ислоҳотлар давлат қўмитаси ўртасида «Ўзбекистон – Қирғизистон – Хитой» темир йўли қурилиши (Қирғизистон ҳудудида) лойиҳаси бўйича ҳамкорлик тўғрисида уч томонлама Битим имзоланди.
Мазкур ҳужжатни Ўзбекистон томонидан Транспорт вазири И.Махкамов, Қирғизистон томонидан Транспорт ва коммуникациялар вазири Э.Осоев имзолади. Хитой томонидан ҳужжат 13 сентябр куни Хитой Халқ Республикаси Тараққиёт ва ислоҳотлар давлат қўмитаси раиси томонидан имзоланиб, электрон нусхаси юборилди.
