Деҳли аэропортида божхона ходимлари Дубайдан келган икки нафар Ўзбекистон фуқаросини ҳибсга олишган. Улар қуйма олтин контрабандасида гумон қилинмоқда.
Маҳаллий божхона маълумотларига кўра, ўзбекистонликлар 6 май куни Индира Ганди номидаги халқаро аэропортга етиб келгач, аввал олинган маълумотлар асосида қўлга олинган.
Багаж текширилганда, уларнинг ёнида умумий оғирлиги 5 килограмм бўлган бешта қўйма олтин топилган. Декларация қилинмаган юк мусодара қилинган, йўловчиларнинг ўзи эса ҳибсга олинган. Тергов олиб борилмоқда.
Эслатиб ўтамизки, Тошкент вилоятида колбаса ичида чет элга катта миқдордаги чет эл валютасини олиб кетмоқчи бўлган аёл ушланган.
