Парижда ўзбекистонлик паралимпиячилар олтин ва кумуш медалларни қўлга киритишган, шунингдек, Паралимпия ўйинларида янги рекорд ўрнатилган.

Ҳамюртимиз Асила Мирзаёрова Паралимпия ўйинларида узунликка сакраш бўйича янги рекорд ўрнатган ва Паралимпия тарихидан ўрин олган. Паралимпия енгил атлетикаси бўйича аёллар ўртасида Т11 (кўриш қобилияти чекланган спортчилар) синфида қатнашиб, у 5,22 метрга сакрашни амалга оширган ва бу Паралимпия ўйинларининг янги рекордидир.

Шундан сўнг, бешинчи уринишда Асила 5,24 метрга сакраб ўз рекордини янгилаган. Шундай қилиб, ҳамюртимиз 5,24 метр натижа билан олтин медални қўлга киритган.

Аввалги Паралимпия ўйинларида ушбу спорт туридаги бўйича рекорд 1996 йилда Атлантада ўтган спорт мусобақасида ўрнатилган эди. 28 йил олдин у испаниялик Ортиз Очитскага тегишли эди, у 5,07 метрни забт этган. Шундай қилиб, Асила Мирзаёрова 28 йиллик рекордни янгилаган.

Асила жаҳон чемпиони: 2023 йил июль ойида жаҳон чемпионатида олтин медални қўлга киритган.

S13 синфида эркаклар ўртасида 100 метрга сузиш бўйича саралаш мусобақаларида ҳамюртимиз Кирилл Панков 1 дақиқа 03.31 сония вақт билан финалга чиққан. Шундай қилиб, у финалга йўлланмани олган.

Ушбу йўналишда иштирок этган яна икки вакилимиз – Ислом Аслонов ва Музаффар Турсунхўжаев 5 – ва 6-ўринларни эгаллашган.

Кирил Панков иштирокидаги якуний сузиш бугун Тошкент вақти билан соат 22.44 да бўлиб ўтади.

Зуҳриддин Тохиров 63 килограммгача вазн тоифасида эркаклар ўртасида паратеквондо бўйича финал жангини ўтказган ва муросасиз жангда марокашлик Аюб Адуичга 17:15 ҳисобида мағлуб бўлган.

Энди, мабодо Адуич финалга чиқса, Зуҳриддин Тохиров бронза учун курашиш имкониятига эга бўлади. 

Параенгил атлетика бўйича аёллар ўртасида F41 синфида ядро отиш мусобақасида вакилимиз Кубаро Ҳакимова 10,36 метр натижа билан иккинчи ўринни эгаллаган ва делегациямиз ҳисобига яна бир кумуш медални қўшган.

Ушбу йўналишда иштирок этган яна бир спортчимиз - Мадина Мухторова 8,10 метр натижани қайд этиб, энг яхши саккизталикдан ўрин олган.