Россия президенти Владимир Путин республикага ГЛОНАСС сигналидан фойдаланиш ҳуқуқини бериш тўғрисида Ўзбекистон билан музокаралар олиб боришга келишиб олган.
Давлат раҳбарининг фармойишига кўра, Россия ҳукумати Ўзбекистон томони билан глобал навигация сунъий йўлдош тизими (ГЛОНАСС) сигналларидан фойдаланишни таъминлаш бўйича музокаралар олиб боришга рухсат олган.
Россия ва Ўзбекистон ўртасида Россия глобал навигация сунъий йўлдош тизимининг юқори аниқликдаги сигналидан республиканинг фойдалаланишига йўл очадиган битим тузилиши кутилмоқда.
Маълумот учун. ГЛОНАСС Россиянинг навигация сунъий йўлдош тизими ҳисобланади. У ернинг исталган нуқтасида мавжуд бўлган фуқаролик сигналларини узатади, бепул ва чекловсиз навигация хизматларини тақдим этади ва махсус фойдаланиш учун юқори аниқликдаги шифрланган сигнални беради.
Тизим қуруқлик, ҳаво, денгиз ва космик транспорт фойдаланувчиларини навигация маълумотлари билан таъминлаш учун мўлжалланган. Унинг сигналлари транспорт, авиация, қишлоқ хўжалиги, қурилиш, геодезия, картографияда қўлланилади. Улар космик кемалар орбиталарини, одамлар ва объектларнинг координаталарини аниқ аниқлашга имкон беради, бу қутқарув операциялари ва бошқа кўплаб вазифаларда фойдалидир.
АҚШдаги GPS (Global Positioning System) сунъий йўлдош навигация тизими ГЛОНАСС аналогидир.
Эслатиб ўтамики, Ўзбекистон 1967 йилда космосни ўрганиш ва ундан фойдаланиш тўғрисидаги шартномага қўшилмоқда.
