Туркия президенти Ражаб Тойиб Эрдўған 6 ноябрь куни Бишкекда бўлиб ўтган Туркий давлатлар ташкилоти саммитида Ўзбекистон ва бошқа Ўрта Осиё давлатларининг ягона туркий алифбосига ўтишга тайёрлиги тўғрисида қарор қабул қилишини кутаётганини билдирган.

Эрдўғаннинг таъкидлашича, алифбони бирлаштириш туркий мамлакатлар ўртасидаги маданий ва сиёсий алоқаларни мустаҳкамлаш учун имкониятлар очади ва   у бу борадаги ишларни фаоллаштиришга чақирган.

"Агар биз қийинчиликларни енгиб, ўзаро муаммоларни ҳал қилсак, туркий дунё учун тарихий асосларни яратишимиз мумкин. Мен бунга ишонаман. Туркий давлатларни ташкил этиш доирасида ҳамкорлик трансформацияни талаб қилади. Туркия, Озарбайжон ва Шимолий Кипр аллақачон ягона туркий алифбосига ўтишга тайёр. Биз Қозоғистон, Қирғизистон, Ўзбекистон ва Туркманистон қарорларини кутмоқдамиз", - деди Туркия президенти.

Эслатиб ўтамизки, сентябрь ойида туркий давлатлар вакиллари 34 та ҳарфни ўз ичига олган лотин алифбосига асосланган ягона алифбони яратишни муҳокама қилишган. Унинг ҳар бир ҳарфи туркий тилларда мавжуд бўлган турли хил фонемаларни ифодалайди, бу эса умумий алифбодан фойдаланганда фонетик хилма-хилликни сақлашга имкон беради.