Интернетда Арнольд Шварценеггер таниб бўлмас даражада ўзгаргани ҳақида маълумот пайдо бўлди.
“Темир Арни”ни Нью-Йоркда беш нафар қўриқчиси билан кўришган. У ҳорғин ва кексайган кўринарди”, — дейилади хабарда.
Ижтимоий тармоқларда дарҳол унинг соғлиғи ҳақидаги тахминлар пайдо бўлди. Арнольд Шварценеггер ҳақиқатан ҳам бетобми?
Интернетда пайдо бўлган кадрлар фильмни суратга олиш вақтида олинган. 77 ёшли Арнольд Шварценеггер янги “Қоп кўтарган одам” фильмида Санта ролини ижро этмоқда. Актёрни Нью-Йоркдаги кўчада суратга олишган ва у бу шаҳарда Санта Клаус образида пайдо бўлган.
Хабар берилишича, сюжетга кўра, Санта ўзининг сеҳрли совғалар қопини йўқотиб қўйганидан сўнг уни топишга ёрдам бериши мумкин бўлган собиқ ўғри Венс (Алан Ричсон)ни учратади. Венс қизи, Санта ва намунали бўлмаган элфлар тўдаси билан бирга Рождествони қутқариш учун ҳаётидаги энг катта талончиликка киришади.
Унинг роли ҳақида 2024-йил март ойида эълон қилинганди.
“Алан Ричсон билан “Қоп кўтарган одам” фильмида суратга тушиш фантастикадир. Бизнинг режиссёримиз Алам Шенкман, мен бирга ишлаган энг ажойиб постановкалардан. Нью-Йорк суратга олиш учун ажойиб жой. “Amazon MGM Studios” билан ишлаш қувончли. Мен ҳар бирингиз билан Рождество қувноқ кайфиятини баҳам кўришни сабрсизлик билан кутаяпман”, — деб ёзди Шварценеггер Instagram'даги саҳифасида.