БМТ Бош Ассамблеясида Украина бўйича навбатдаги резолюция қабул қилинди. Ўзбекистон овоз беришда бетараф позицияни танлади.

Овоз бериш натижалари
✅ 93 давлат – қўллаб-қувватлади
❌ 18 давлат – қарши чиқди
⚖ 64 давлат – бетараф қолди (Ўзбекистон ҳам шу жумладан)

Резолюцияда нима ҳақида сўз боради?
Россия қўшинларини Украинадан “зудлик билан ва сўзсиз” олиб чиқиш талаб қилинган
Украина ҳудудий яхлитлиги халқаро ҳамжамият томонидан тасдиқланган
Ҳарбий ҳаракатларни тўхтатиш зарурлиги қайд этилган

Ўзбекистон нима учун бетараф?
Тошкент аввалги овоз беришларда ҳам бетараф позицияда бўлган. Бу Ўзбекистоннинг тахликали халқаро муаммоларда бирор томонни очиқ қўллаб-қувватламаслик ва мустақил ташқи сиёсат олиб бориш принципига асосланади.

Бетарафлик дипломатик манёврми ёки стратегик қарор? Бу ҳақда таҳлилчилар турли фикрларни билдирмоқда.