Қозоғистонда сунъий интеллект (СИ) технологияларини хавф даражаси бўйича таснифлаш, юқори хавфли моделларни тақиқлаш ва миллий СИ платформасини яратишни назарда тутувчи янги қонун лойиҳаси тақдим этилди.
Қонун лойиҳасида нималар назарда тутилган?
СИ тизимлари уч тоифага ажратилади:
- Паст хавфли – эркин фойдаланиш мумкин
- Ўрта ва юқори хавфли – давлат назоратида бўлади
- Инсон аралашувисиз қарор қабул қиладиган СИ технологиялари тақиқланади
- Биоидентификация ва ижтимоий рейтингга асосланган СИ платформаларини чеклаш режалаштирилмоқда
- СИ алгоритмларидан фойдаланувчиларни огоҳлантириш мажбурий бўлади
- Миллий СИ платформаси давлат маблағлари ҳисобидан ривожлантирилади
СИга глобал инвестициялар ортиб бормоқда
Қонун лойиҳаси Европа, Яқин Шарқ ва Африка (EMEA) минтақаларидаги компаниялар СИга сармояларни икки карра оширишни режалаштираётган бир пайтда муҳокама қилинмоқда.
Муҳим саволлар: Бу тартибга солиш СИ инновацияларини секинлаштирадими ёки технологияларни хавфсиз ривожлантиришга ёрдам берадими?
