Олий таълим муассасаларида шартнома асосида ўқиш нархи 10–15 фоизга ошиши мумкинлиги ҳақидаги гаплар ижтимоий тармоқларда қизғин муҳокамаларга сабаб бўлди. Мазкур миш-мишларга олий таълим вазирлиги матбуот котибининг интервьюсидаги баёнот туртки берган.
Vаълумотларга кўра, журналист “шартнома нархлари ошиши мумкинми?” деган саволга жавоб олган ва вазирлик вакили “масала кўриб чиқилаётгани”ни билдирган. Кейинги саволда журналист анъанавий тарздаги 10–15 фоизлик ошиш эҳтимоли ҳақида аниқлик киритган ва вазирлик бу эҳтимолни рад этмаган.
Шу орқали ижтимоий тармоқларда “шартнома нархлари ошиши аниқ” деган хабарлар тарқала бошлади. Бироқ Халқ таълими вазирлиги бу фикрларни рад этмоқда.
«2025/2026 ўқув йили учун контракт нархлари бўйича якуний қарор ҳали қабул қилинмаган. Ҳозирча масала муҳокама босқичида. Интервьюдаги жавобни нархлар ошиши ҳақидаги расмий тасдиқ сифатида қабул қилиш нотўғри», — дейилади вазирлик баёнотида.
Ҳозирча шартнома нархларига оид аниқ рақамлар йўқ ва қарор қабул қилинмаган. Расмийлар фуқароларни фақат тасдиқланган манбаларга ишонишга чақирмоқда.
