Жиззахда Мажбурий ижро бюроси ҳамда Халқ қабулхонаси билан ишлар тизимли йўлга қўйилган

Чоп этиш

Ўзбекистон Республикаси Президентининг Халқ қабулхоналари ва Виртуал қабулхонаси, Давлат органлари ишонч телефонлари ҳамда сайёр қабуллари орқали келаётган мурожаатлардаги муаммоларнинг ҳал этилиши кутилган натижани бермоқда.

Хусусан, Ўзбекистон Республикаси Бош прокуратураси ҳузуридаги Мажбурий ижро бюроси Жиззах вилоят бошқармаси ва унинг туман (шаҳар) бўлимларига келиб тушаётган мурожаатларга ечим топишга алоҳида эътибор қаратилмоқда.

Жорий йилнинг ўтган даврида жисмоний ва юридик шахслардан жами 6 344 та мурожаат келиб тушиб, шундан 5 849 таси кўриб чиқилган, хусусан, 3 276 та мурожаат қаноатлантирилган, 2 573 та мурожаатга ҳуқуқий тушунтириш берилган ва 15 таси тегишлилиги бўйича мазмунан ҳал этиш учун бошқа ташкилот ва муассасаларга юборилган.

Мурожаатларни кўриб чиқиш мобайнида 2 903 та ҳолатда жисмоний ва юридик шахсларнинг бузилган ҳуқуқлари тикланди.

Мисол учун, фуқаро О.А.нинг мурожаатида Фуқаролик ишлари бўйича Зарбдор туманлараро судининг қарорига асосан қарздор У.А.дан алимент ундирилмаётганлиги баён этилган. Фуқаронинг мурожаати ўз вақтида ўрганилиб фуқарога 21,5 млн. сўм алимент пуллари ундирилиши таъминланди.

 

 Асрор Ахмедов - Мажбурий ижро бюроси Жиззах вилояти бошқармаси инспектори  

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (2)
Фикр билдиринг
Кликните на изображение чтобы обновить код, если он неразборчив
Шерзод

Салом исмим шерзод зафаробод тумани узун кфй да яшайман хозир четдаман россияда ман менга миб дан СМС келди карздорлик деб мени номимда хеч нарса булмаса буни кандай тушиниш мумкин кандай билса булади бу нарсани

Admin
Шерзод,

Номингизда мулк бўлмаса ҳам, МИБдан хабар келишининг асосий сабаблари:

  • Маъмурий жарималар (масалан, ПҲХХ/ГАИ ёки бошқа жарималар);

  • Коммунал қарзлар (пропискангиз бор уй учун);

  • Суд қарорлари ёки давлат божлари.

Нима қилиш керак?

  1. Текшириш: mib.uz сайтига кириб ёки Telegram’даги @mibuzbot орқали паспорт рақамингизни киритинг. У ерда қарз нима учун ва ким томонидан қўйилгани аниқ кўринади.

  2. Алоқа: СМСдаги ижрочи рақамига телефон қилинг ёки Зафарободдаги яқинларингизга МИБ бўлимига бориб аниқлаштиришни илтимос қилинг.

  3. Тўлов: Агар қарз ҳақиқат бўлса, Россиядан туриб ҳам Payme ёки Click орқали тўлаб юборсангиз, ижро иши ёпилади.

Муҳим: Қарз тўланмаса, Ўзбекистондан қайта чиқишда (тақиқ қўйилса) муаммо бўлиши мумкин.

Сизда СМСда келган ижро иши рақами борми? Агар бўлса, ёзинг, нима қарз эканини аниқлашга ёрдам бераман.