Whisper — bu ChatGPT va Dalle yaratuvchisi Open AIdan nutqni avtomatik aniqlash tizimi.
Loyiha ochiq manba hisoblanadi, ya’ni uni bepul ishlatish, tarqatish va o‘zgartirish mumkin.
Boshqa nutqdan matnga aylantirish tizimlardan farqli o‘laroq, Whisper’da yuklab olish sayti yo‘q. Uning barcha fayllari GitHub omborida joylashgan. Ishlab chiquvchining ba’zi vositalarini yuklab olishingiz va ularni tizimingizga o‘rnatish uchun kodni ishga tushirishingiz kerak.
Open AI Whisper’dan kim foydalanishi mumkin?
Nutqini matnga aylantirishi kerak bo‘lgan har bir kishi Whisper AI’dan foydalanishi mumkin.
Masalan:
- konspektlarini yozuvga aylantirmoqchi bo‘lgan talaba;
- oldindan yozib olingan Zoom uchrashuvidan kontekst olishni xohlaydigan yig‘ilish rahbari;
- audio mazmunini turli formatlarga tarjima qilmoqchi bo‘lgan podkaster.
Whisper’ni yuklab olish va o‘rnatish unchalik oson emas
Birinchidan, Whisper boshqa transkripsiya va tarjima vositalaridan ishlash uslubi bilan farq qilishini tushunish muhimdir.
Yuklab olish va o‘rnatish uchun tayyor faylga ega veb-sayt yo‘q. Uni o‘rnatish va ishlatish uchun qurilmangizga qarab Windows, Linux yoki Mac buyruq qatori haqida asosiy tushunchaga ega bo‘lishingiz kerak. Internetda uni o‘rnatish bo‘yicha ko‘plab qo‘llanmalar mavjud.
Whisper Open AI yordamida ovozni matnga qanday transkripsiya qilish mumkin
- Transkripsiya qilmoqchi bo‘lgan audio faylni papkaga saqlang.
- Yangi papkadan yangi buyruq satrini oching. Buning uchun faylni o‘z ichiga olgan katalogni bosing va “cmd”ni kiriting.
- Yangi papkadan yangi buyruq satrini oching.
- Buyruqning satr oynasida “Whisper” degan so‘zni kiriting, so‘ng matnga aylantimoqchi bo‘lgan fayl nomini kiriting. Agar fayl nomi o‘rtasida bo‘sh joy bo‘lsa, apostrof qo‘shishni unutmang.
- Transkripsiya jarayoni boshlanadi va uni yakunlash vaqti faylingiz hajmiga bog‘liq bo‘ladi.
Eslatma. AI nutq texnologiyalari doimiy ravishda takomillashmoqda va Whisper AI mukammallikdan yiroq.
Masalan:
- ba’zida ayrim tinish belgilari qolib ketishi mumkin;
- u ba’zi so‘zlarni noto‘g‘ri tushunishi yoki ba’zi so‘zlarni umuman tushunmasligi mumkin;
- u turli so‘zlovchilar orasida farqni aniqlolmaydi;
- Whisper real vaqtda transkripsiyani taqdim eta olmaydi. Hozirda u faqat nol asinxron transkripsiyaga qaratilgan. Open AI Whisper’ni onlayn ishga tushirish uchun Whisper API’dan foydalanishingiz kerak.
