Кредит бериш билан боғлиқ кўплаб фирибгарлик ҳолатлари туфайли КАТМ кредит бюроси фойдаланувчиларга кредит тарихига киришни блокировка қилиш орқали ўзларини фирибгарлардан ҳимоя қилишни таклиф қилган.  

"Кредит-ахборот таҳлил маркази" кредит бюроси жисмоний шахсларнинг кредит тарихи ва тегишли маълумотларни қўшимча ҳимоя қилиш учун синов режимида "музлатиш" хизматини ишга туширган.

Хизмат ёрдамида кредит олишни режалаштирмаган фуқаролар ўзларининг кредит тарихини рухсатсиз шахслар учун блокировка қилишлари мумкин. Бу эгасининг хабарисиз у ҳақида маълумот ололмаслиги учун амалга оширилади. Кредит тарихига киришни тўсиб қўйганда, фирибгарлар бузиб кирган тақдирда ҳам ўз номига кредит ололмайдилар.

Ҳозирда ушбу хизмат бепул. Келгуси йилнинг 1 январидан бошлаб хизмат пуллик асосда ишлаши режалаштирилган. Хизмат нархи базавий ҳисоблаш миқдорининг 0,03 миқдорида (ҚҚСсиз) баҳоланади.

Эслатиб ўтамизки, жорий йилнинг июнь ойида "Агробанк"нинг Арнасой филиали ходими ўзининг расмий мавқеидан фойдаланиб, фирибгарлик йўли билан бир нечта фуқароларга кредит карталарини расмийлаштирган ва олинган маблағларни ўзлаштириб олган.