Янги йилдан Тошкент ва Москва ўртасида поездлар тез-тез қатнай бошлайди

Чоп этиш

2025 йилдан бошлаб Тошкент – Москва йўловчи поезди ҳафтасига икки марта қатнайди.

Россия Транспорт вазири Роман Старовойт ўзининг Telegram-каналида маълум қилишича, йил охиригача поезд ҳафтада бир марта қатнайди ва янги йилдан бошлаб рейслар сони иккитага кўпаяди.

Эслатиб ўтамизки, пандемия туфайли 2020 йилда тўхтатилган Тошкент-Москва йўловчи поезди қатнови 24 сентябрдан бошлаб қайта тикланади.

Энди икки пойтахт ўртасидаги йўлни тўхтовсиз босиб ўтиш мумкин, саёҳат вақти эса уч кундан сал кўпроқ бўлади.

"Поезднинг тўхташи бутун йўналишдаги аҳоли пунктларида кўзда тутилган, шунинг учун у орқали бошқа шаҳарларга ҳам саёҳат қилишни режалаштирилиши мумкин. Маршрут Пенза, Самара ва Оренбург, шунингдек Қозоғистоннинг Актауси орқали ўтади", - деди Россия Транспорт вазири.

Шунингдек, Старовойтнинг айтишича, иккала мамлакат транспортчиларининг келишилган ҳаракатлари натижасида Россия авиакомпаниялари томонидан йўловчилар ташишнинг ижобий ўсиш суръатларига эришилган. Жорий йилнинг 7 ойида улар 1,2 миллиондан ортиқ йўловчини ташишган ва бу 2023 йилнинг шу даврига нисбатан 47 фоизга кўпдир.

Мавзу юзасидан фикр, мулоҳаза ёки қўшимча маълумотларингиз бўлса, Sangzor.uz Telegram канали орқали таҳририятга йўллашингиз мумкин.
Фикрлар (0)
Фикр билдиринг
Кликните на изображение чтобы обновить код, если он неразборчив