2024-yil sentabr oyida Rossiyaning Ashxoboddagi konsulligi mamlakat fuqarolariga turistik vizalar berishni to‘xtatgani haqida ma’lumot tarqaldi.

Turkmen.news sayti mahalliy sayyohlik agentliklariga tayanib, konsullik hujjatlarni qabul qilishni to‘xtatgani haqida xabar berdi, biroq rasmiy sabablar keltirilmagan.

HUKM: MANIPULYATSIYA

Rossiya Tashqi ishlar vazirligi bu maʼlumotni rasman rad etib, Ashxoboddagi konsullik odatdagidek ishlashda davom etayotganini maʼlum qildi. Ularning maʼlumotlariga koʻra, oʻsha paytda soʻnggi ikki hafta ichida 6 mingga yaqin vizalar, jumladan, turistik vizalar ham berilgan. Tashqi ishlar vazirligi vizalar uchun elektron roʻyxatdan oʻtish tizimi ishlayotganini, 8 ming nafarga yaqin odam oktabr oyi uchun roʻyxatdan oʻtganini taʼkidlab, viza berishni toʻxtatib turish haqidagi xabarlarni asossiz deb atadi.

“Yana bir bor taʼkidlaymizki, Rossiya Federatsiyasi va Turkmaniston oʻrtasida fuqarolarning oʻzaro harakatlanishini cheklash maqsadida hech qanday muzokaralar olib borilmayapti”, — deyiladi TIV xabarida.

Turkmen.news sayti ham nomi oshkor etilmagan manbalarga tayanib, bu chora ortida ikki davlat hukumat organlari oʻrtasida Turkmanistondan Rossiyaga kelayotgan odamlar oqimini cheklash boʻyicha kelishuv borligini taʼkidladi.

“Manbalardan biriga ko‘ra, vizani rasmiylashtirishni to‘xtatib qo‘yish Rossiya tomonidan talab qilingan: ular muhojirlar Ukraina qurolli kuchlariga uchuvchisiz hujumchilarga potentsial nishonlar koordinatalarini yetkazishi mumkinligidan qo‘rqishmoqda”, — deyiladi veb-saytda.

Biroq, bu ma’lumotni tasdig‘qi yo‘q, shuningdek, ishonchli manbalarga havolalar mavjud emas.