Firibgarlar “Xavfsizlik bo‘yicha maslahatlar” nomli soxta akkaunt yordamida Telegram akkauntlarini o‘g‘irlashning yangi usulini ishlab chiqishdi.

Foydalanuvchilar hisoblari shubhali faoliyat tufayli bloklanishi mumkinligi haqida xabar oladilar. Hisob qaydmomalaringiz xavfsizligini “tasdiqlash” uchun sizdan soxta avtorizatsiya sahifasiga olib boradigan havolaga o‘tishingiz so‘raladi.

Ushbu saytga ma’lumotlarni kiritish firibgarlarga hisobingizga kirish imkonini beradi.

Ushbu sxema fishing texnikasiga asoslangan. Asosiy maqsad — aldov yo‘li bilan foydalanuvchini havolaga o‘tish va ma’lumotlarini kiritishga majbur qilish. Biroq, “Xavfsizlik bo‘yicha maslahatlar” akkaunti rasmiy Telegram xabarnomalaridan farq qiladi va boshqa har qanday foydalanuvchi kabi bloklanishi mumkin.

Mutaxassislar sizni shubhali havolalarga o‘tmaslikka va shubhali saytlarga ma’lumotlarni kiritmaslikka chaqiradilar. Feyk sahifaga o‘tib qolgan taqdirda, foydalanuvchilar telefon raqami, parol va tasdiqlash kodini kiritadilar, bu esa firibgarlarga hisob qaydnomasiga kirish imkonini beradi.

Kiberhujumlardan himoyalanish usullari:

1. Shubhali xabarlarga e’tibor bermang, chunki rasmiy Telegram qo‘llab-quvvatlash xizmati hech qachon tashqi havolalar orqali akkauntlarni tasdiqlashni talab qilmaydi.

2. Har qanday shubhali akkaunt, hatto rasmiy xabarnomalarga o‘xshasa ham, bloklanishi mumkin.

3. Hisob qaydnomalaringizni himoya qilish uchun ikki faktorli autentifikatsiyani yoqing. Bu ma’lumotlar sizib chiqqanda ham tizimga kirishning oldini oladi.

4. Havolani bosishdan oldin uning manbasini va aniqligini tekshiring. Shaxsiy ma’lumotlarni kiritish uchun faqat rasmiy ilovalar va veb-saytlardan foydalaning.

5. Parolingizni bir necha oyda bir o‘zgartirish akkauntingiz xavfsizligini saqlashga yordam beradi.

Ushbu choralar kiberfiribgarlik qurboni bo‘lish xavfini sezilarli darajada kamaytiradi va hisob qaydnomangizni himoya qiladi.