Жон Ҳопкинс университети олимларининг хулосасига кўра, уйқусизликка қарши курашишда энг самарали ва оммавий усул — жисмоний фаоллик. Энг катта фойда эса йога ва кечки сайрлардан келади.

Олимлар уйқусизликдан азият чекувчи 1300 дан ортиқ одам иштирок этган 22 та тадқиқотни таҳлил қилган. Уларнинг хулосаларига кўра, уйқуни яхшилашда нафақат когнитив ёндошувлар, балки жисмоний машқлар ҳам кучли ижобий таъсир кўрсатади.

Энг самарали машқлар қаторига қуйидагилар киради:

• Йога

• Тайчи

• Пиёда юриш

• Югуриш

Мутахассислар таъкидлашича, кечки пайтда 30 дақиқалик енгил жисмоний фаолият — масалан, пиёда юриш — одатдагидан ярим соат эртароқ ухлаш ва икки соат кўпроқ дам олиш имконини яратади.

Сабаби, жисмоний фаоллик организмда эндорфин ишлаб чиқарилишини фаоллаштиради, тана ҳароратини вақтинча оширади. Шунинг ҳисобига организм бўшашади ва ухлаб қолиш осонлашади.

Якуний хулоса: уйқусизликка қарши дори эмас, сайр ва йога керак. Шунчаки кечқурун 30 дақиқа ҳаракат — яхши уйқу ва соғлом ҳаётнинг калити.