Telegram-kanallarda chekish erkaklarning fertil qobiliyatiga zararli ta’sir ko‘rsatishi va bepushtlikka olib kelishi haqida xabar e’lon qilindi.
HUKM: TO‘G‘RI
Ha, chekish erkaklarda ham, ayollarda ham bepushtlikka olib kelishi mumkin.
Chekishning erkaklar reproduktiv tizimiga ta’siri spermatozoidlar sonining kamayishiga, ularning harakatchanligi va morfologiyasining pasayishiga, shuningdek, parchalangan sperma DNK miqdorining ko‘payishiga olib keladi.
Shuningdek, sigaretaning tarkibidagi kimyoviy moddalar sperma DNKsiga zarar yetkazishi mumkin, bu esa homila tushishi, tug‘ma nuqsonlar va boshqa reproduktiv salomatlik muammolariga olib kelishi mumkin.
Erkaklarda chekish erektil disfunktsiyaga olib kelishi mumkin, bu esa homilador qilishni qiyinlashtiradi.
Chekishning ayollarning reproduktiv tizimiga ta’siri:
- ovulyatsiyani buzishi mumkin, bu esa homilador bo‘lishni qiyinlashtiradi;
- bachadon trubalariga zarar yetkazish, bu bachadondan tashqari homiladorlikka olib kelishi mumkin;
- tuxumdonlar zaxirasining muddatidan oldin tugashiga, bu esa erta menopauza va bepushtlikka olib kelishi mumkin;
- bola tushishi xavfini oshiradi;
- homiladorlik paytida chekish chaqaloqda tug‘ma nuqsonlarni keltirib chiqarishi mumkin.
Odam qancha ko‘p cheksa, bepushtlik xavfi shunchalik yuqori bo‘ladi.
Chekishni tashlash reproduktiv salomatlikni yaxshilashning eng samarali usullaridan biridir.
Agar siz homilador bo‘lishda qiyinchiliklarga duch kelsangiz, chekishning reproduktiv salomatlikka ta’siri haqida shifokoringiz bilan gaplashishingiz kerak.
