Telegram kanallaridan biri yozda yostiqlar “unitazdan ham iflos” bo‘lib, bakteriyalar va ifloslanish o‘chog‘iga aylanishi haqida xabar tarqatmoqda.
“Haddan tashqari terlash tufayli yostiq jildlari va choyshablarda juda ko‘p miqdorda bakteriyalar to‘planadi. Ba’zi tadqiqotlar shuni ko‘rsatdiki, bir hafta ichida yostiqda unitazga qaraganda 17 mingdan ko‘proq bakteriya hosil bo‘ladi”, — deyiladi xabarda.
HUKM: QISMAN ROST
Odamlar sovuq oylarga qaraganda issiq kunlarda terlash tufayli ko‘proq suyuqlik yo‘qotadilar. Bu sizning choyshabingizda ter, teri parchalari va boshqa organik moddalarning ko‘payishiga olib keladi va bakteriyalar ko‘payishi uchun yaxshi zamin yaratadi.
Tadqiqotlar shuni ko‘rsatdiki, haftada bitta yostiqqa hojatxona o‘rindig‘iga qaraganda ko‘proq: 17 minggacha bakteriya to‘planishi mumkin.
Issiqlik va namlik chang kanallari, griboklar, stafilokokklar va boshqa mikroorganizmlarning ko‘payishini tezlashtiradi.
Bu mikroblar sog‘liqda muammolar: allergiya, astma, boshqa infektsiyalarni keltirib chiqarishi mumkin.
Biroq, ifloslanish darajasi ko‘plab omillar: choyshabni qanchalik tez-tez yuvish, uy hayvonlarining mavjudligi, individual terlash va boshqalarga bog‘liqligini tushunish kerak.
Yostiqlardagi bakteriyalarni kamaytirish uchun:
- yostiq jildlari va choyshablarni haftasiga kamida bir marta, issiq havoda esa ikki marta yuvish;
- havo o‘tkazuvchi va namlikni shimadigan paxta kabi tabiiy materiallardan foydalanish zarur.
Shunday qilib, yozda yostiqlar qishga qaraganda ko‘proq bakteriyalar to‘plashi haqiqat bo‘lsa-da, agar siz gigiyena qoidalariga yaxshi rioya qilsangiz, bu sog‘liq uchun katta xavf tug‘dirmaydi.
