Internetda Apple iPhone quvvat olayotganda yonib ketishi yoki odamni tok bilan urishi mumkinligi to‘g‘risida ogohlantirgani haqida xabarlar paydo bo‘ldi. Shuning uchun kompaniya telefonni zaryad olayotgan paytda yostiq ostiga yoki uning yoniga qo‘ymaslikni qat’iy tavsiya qiladi.

HUKM: ROST

Ha, bu haqiqat. Apple foydalanuvchilarni iPhone’ni quvvat olish paytidagi ehtimoliy xavflari haqida ogohlantiradi.

Ushbu ogohlantirishlarning asosiy sabablari:

Haddan tashqari qizib ketish. Agar iPhone ko‘rpa, yostiq yoki ventilyatsiyani cheklaydigan boshqa muhit ostida quvvat olayotgan bo‘lsa, u haddan tashqari qizib ketishi mumkin. Haddan tashqari isishi yong‘inga olib kelishi mumkin.

Nosoz zaryadlovchi uskuna. Original bo‘lmagan yoki shikastlangan zaryadlovchi qurilmalardan foydalanish qisqa tutashuvga va yong‘in yoki elektr toki urishiga olib kelishi mumkin.

Namlik. iPhone’ni nam sharoitda zaryadlash elektr toki urishi xavfini oshiradi.

Apple’ning tavsiyalari:

– Uxlayotganingizda telefoningizni adyol, yostiq ostiga qo‘ymang yoki o‘zingizga yaqin tutmang.

– Faqat original zaryadlovchi qurilmalarni sotib oling va ulardan foydalaning.

– Telefonni krovatingiz yonidagi tomba ustiga yoki boshqa ochiq joyga qo‘ying.

– Zaryad olayotganda telefon qoplama (chexol)ini yechib qo‘ying, u issiqlik tarqalishini bloklashi va qizib ketishiga olib kelishi mumkin.

Shuni tushunish muhimki, zaryad olayotganda iPhone korpusida kuchlanish haqiqatan ham mavjud, ammo u shunchalik pastki, odamlar uchun xavf tug‘dirmaydi.

Xulosa

iPhone quvvatlanayotganda yong‘in yoki elektr toki urishi xavfi yuqori bo‘lmasa-da, Apple tavsiyalariga amal qilish bunday hollarni minimallashtirishga yordam beradi. Qurilmangizdan foydalanganda ogoh va ehtiyot bo‘ling.

iPhone uchun xavfsizlik haqida batafsil ma’lumotni Apple rasmiy veb-saytida topishingiz mumkin.