Эронда Instagram блокланди
AP агентлигининг Теҳрондаги шўъбаси хабар тарқатишича, эронликлар Instagram тўлиқ ёпилганидан шикоят қилишмоқда.
Шунингдек, глобал интернетдаги узилишларни кузатувчи NetBlocks Лондон бўлими ҳам Эрондаги намойишлар сабабли Instagram ижтимоий тармоғига кириш чекланганини тасдиқлади.
NetBlocks кузатувларига кўра, трафик ижтимоий тармоққа кириш барча интернет-провайдерлар томонидан блокланганини кўрсатмоқда, Эрондаги интернет-уланишлар эса меъёрга нисбатан 79 фоизга тушган.