O'zbek tilidagi xabarlar... » Жамият » Ҳайвонларни қийноққа солган тошкентлик йигит 18 суткага қамалди. Ота-онаси узр сўраган бўлсада, унинг ўзи айбини тан олмаган

Ҳайвонларни қийноққа солган тошкентлик йигит 18 суткага қамалди. Ота-онаси узр сўраган бўлсада, унинг ўзи айбини тан олмаган

  • Admin
  • 21-12-2021, 10:59
  • 609
  • 0
Ҳайвонларни қийноққа солган тошкентлик йигит 18 суткага қамалди. Ота-онаси узр сўраган бўлсада, унинг ўзи айбини тан олмаган Жамият
Ёқди 0 Ёқмади 0 Чоп этиш

Ҳайвонларни қийноққа солган тошкентлик йигитга 18 сутка маъмурий қамоқ жазоси тайинланди. Ота-онаси   узр сўраган бўлсада, унинг ўзи айбини тан олмаган.  

Тошкентда   жорий ҳафтада Тошкент давлат транспорт университетининг 20 ёшли талабаси – ҳайвонларни қийноққа солган Исломжон Асқаровнинг иши бўйича иккита апелляция мажлиси бўлиб ўтган. Мухбиримиз бевосита жараёнда иштирок этган ва жазонинг қайта кўриб чиқилишига муваффақ бўлган зооҳимоячилар билан суҳбатлашди.

Ҳаммаси 2021 йилнинг 16 ноябрида Яшнобод туманида бошланган. Тузел-1 массивида тахминан соат 15.50да 5–сонли уйнинг кириш жойларидан бирига кираверишда мушукнинг жасади, майдончада эса ҳайвонларнинг қон излари топилган. Камералардаги видеодан маълум бўлишича, соат 15.25да бир ёш йигит узоқ вақт давомида шу атрофда юриб, мушукларни пойлаган. Шундан сўнг у қўлга тушган мушукларни бир сумкага жойлаб, уйнинг подъездига кириб   кетган.

Шундан сўнг ҳайвонлар ҳуқуқларини ҳимоя қилиш жамияти фаоли Рузалия Давлетшина участка инспектори, ИИБ ва "Меҳр ва Окибат" ҳайвонларни ҳимоя қилиш жамиятига ариза ёзган. Бундан ташқари, ушбу ғалати йигитнинг видеолари ва фотосуратлари ижтимоий тармоқларда чоп этилди.

"Facebook орқали менга бошқа туманлардан одамлар чиқишди, улар “Ташсельмаш”да юз берган шунга ўхшаш воеқа ҳақида хабар беришди. Маълум бўлишича, мушукларни қийнаган шахс Самарқанд вилоятининг Пайариқ туманида яшовчи 2000 йилда туғилган Исломжон Асқаров экан, у Тошкент давлат транспорт университетининг учинчи курсида таҳсил оларкан. Уни топиб, Яшнобод тумани 1-сонли ички ишлар бўлимига сўроқ қилиш учун олиб келишди, лекин у қилмишни тан олмади", - деди Рузалия Давлетшина.

Иш Яшнабод тумани судига топширилган. Бу ерда 23 ноябрь куни суд жараёни онлайн тарзда ўтказилиб, унда Исломжон Асқаров уч суткага маъмурий ҳибсга ҳукм қилинган.

"Мен ҳукмдан норози бўлдим, чунки рецидивист учун бу жуда юмшоқ жазо, ахир у “Ташсельмаш” туманида шунга ўхшаш иш билан шуғулланган ва жаримага тортилган. Шаҳар судига аппеляция топширдим. Биринчи мажлис 14 декабрь куни бўлиб ўтди ва унда кўриб чиқиш учун видеоматериални тақдим этдик, ушбу ҳолат юзасидан ўз фикримизни билдирдик. Асқаров ўз ҳаракатларини тан олмади ва айбловларга қўшилмади", - дея қайд этди Давлетшина.

2021 йил 16 декабрда Асқаров иши бўйича шаҳар суди қарор қабул қилди. Суд Яшнобод тумани судьяси томонидан белгиланган жазо, яъни уч кунлик қамоқ жазосини қонун доирасида қабул қилинган ва адолатли деб ҳисоблади.

Бундан ташқари, 14 декабрь куни Асқаров 2021 йилнинг октябрида мушукларни ўлдирган ва уларнинг жасадларини турар жой биносининг ертўласига ташлаган Мирзо-Улуғбек туманида апелляция суди ўтказилган. Мирзо-Улуғбек тумани судьяси уни 15 кунга маъмурий қамоққа олиш тўғрисида қарор қабул қилган.

"Хуллас, Исломжон Асқаров жами 18 кунга қамалди. Иш ёпилди, ота-онаси билан профилактик суҳбат ўтказилди. Улар ўғли учун узр сўраб, уни назорат остига олишга ва ҳаракатларини кузатишга ваъда беришди. Бефарқ бўлмаган барча иштирокчиларга раҳмат айтмоқчиман. Тезкорлик ва самарадорлиги учун ИИББ ходимларига алоҳида миннадорчилик. Бу иш келажакда ҳаммага сабоқ бўлсин", - дея хулоса қилди Рузалия Давлетшина.


Ўхшаш янгиликлар