Ўзбекистонда хотин хизмати қанчага баҳоланади?
Ўзбекистонда хотин хизмати қанчага баҳоланиши ҳисоблаб чиқилган. Фараз қилинг, меҳрибон эр ўз хотинини уй-рўзғор ишларидан озод қилиб, бу учун махсус одам ёлласа-а? Хўш, бу қанчага тушаркан? Таниқли бизнес леди Нодира Воҳидова бу каби хизматлар нархини Тошкент мисолида ҳисоблаб чиққан.
Мазкур кичик тадқиқот “Истеъмолчи.уз.” ҳамжамиятида чоп қилинган. Тахминий ҳисоб-китоб икки болали (7 ва 2 ёш) уй бекасига нисбатан ишлаб чиқилган.
Уй бекасининг бир ойлик меҳнати қанчага тушади?
- Квартирани тозалаш – 8 соатга 20 доллар, демак, 1 соати 2,5 долларга тушаркан
- Овқат пишириш – 4 соатга 10 доллар, 1 соати 2,5 доллардан
- Энагалик – ойига 250 доллар
- Репетиторлик – 1 соатга 5 доллар
Натижа:
- Ҳар ҳафта уйни тозалаш – 20 доллардан * ҳафтада 4 марта = 80 доллар
- Уйда тозаликни сақлаш – 26 кун * 1 соат * 2,5 доллардан = 65 доллар
- Овқат пишириш– 30 кун 2,5 доллардан = 75 доллар
- Болаларга қараш – 250 доллар
- Болалар билан уй вазифаларни бажариш – 24 кун * 1 соат * 5 доллардан = 120 доллар
Жами: 80+65+75+250+120 = 590 доллар
Интим хизматлар ва бола туғиш ҳисобга олинмаган ва улар “муҳаббат туфайли” номдаги устунга киритилган. Оқибатда, агарда аёл бошқа бировнинг қўилда ишлаб, уй-рўзғор ишларини бажарадиган бўлса, бир ойда 500 доллар оларкан. Аслида эса – унга бир тийин ҳам берилмайди. Ўзига қарашга ва кийим олишга пул берилса ҳам – катта гап...