Мамлакатда агровольтаика – қишлоқ хўжалиги ишлаб чиқарувчилари томонидан ўз эҳтиёжлари учун энергия ишлаб чиқариш ёки сотиш учун ўз далаларига қуёш панелларини ўрнатиш амалиётини жорий этишни режалаштирилмоқда. Бу ҳақда президент матбуот хизмати хабар бермоқда.
Агровольтаикани халқаро тажриба асосида қишлоқ хўжалигига жорий этиш тўғрисида президент яшил энергетикани ривожлантириш ва қайта тикланадиган манбалар улушини ошириш бўйича ўтган йиғилишда маълум қилган.
Йиғилишда умумий қуввати 6,3 гигаватт бўлган қуёш, шамол ва гибрид электр стансияларини қуриш бўйича 28 та лойиҳа устида иш давом этаётгани таъкидланган. 2023 йилда 7 та лойиҳа доирасида 2,6 гигаваттлик биринчи қувват ишга туширилган. Улар орасида Самарқанд, Жиззах, Сурхондарё, Бухоро ва Қашқадарё вилоятларидаги бешта қуёш фотоэлектр станциялари, шунингдек, Навоий вилоятидаги шамол электр станцияси бор.
Ҳозирда Саудия Арабистони, БАА, Хитой, Франция ва Швейцария компаниялари билан биргаликда яшил станциялар ва энергия сақлаш тизимларини қуриш бўйича 12 та лойиҳа устида иш олиб борилмоқда.
"2024 йилда ўтган йили бошланган лойиҳаларни якунлаш, шунингдек, келгуси йиллар учун янги яшил ишлаб чиқариш қувватларини яратиш керак", - дея маълум қилинмоқда матбуот хизмати берган хабарда.
Хусусан, 2024 йилда ҚЭСнинг умумий қувватини 2,6 гигаваттгача, ШЭСни 900 мегаваттгача етказиш, 400 мегаватт қувватга эга энергия сақлаш қурилмаларини ишга тушириш режалаштирилган.
Электр энергияси тизимининг барқарор ишлашини таъминлаш учун электр энергиясини ўзгарувчан ишлаб чиқариш қувватлари улушининг ўсишини ҳисобга олган ҳолда Шавкат Мирзиёев электр тармоқларини ривожлантириш консепйиясини ишлаб чиқишни топширган.
