Минтақада туризмни ривожлантириш учун Бойсундаги Қизил каньон устида мунтазам ҳаво шарлари парвозлари амалга оширилади. Кеча ташкилотчилар чет эллик меҳмонлар учун ажойиб ғояни ташкиллаштиришган: ўзбекистонлик ва хорижий журналистлар ва блогерларни турли шакл ва рангдаги аэростатларнинг парвозини томоша қилишга таклиф этишган.
Эслатиб ўтамизки, Сурхондарё вилоятидаги ушбу ноёб табиий жойни сайёҳлик масканига айлантириш ва бу ерда ҳаво шарларида парвозларни ташкил этиш режалари 2022 йилда муҳокама қилинган эди. Ғайриоддий ландшафтлар кўплаб сайёҳларни ўзига жалб қилади ва қушлар парвози баландлигидан туриб қаралса, албатта, тоғ ландшафтининг бетакрор гўзаллиги яхшироқ кўринади.
Кеча каньон устида шарларда намойиш парвози бўлиб ўтган. Тадбирни Туризм қўмитаси, Ўзбекистон аэронавтика Федерацияси ва Сурхондарё вилояти ҳокимлиги ташкил этган.
Унинг ёритилишига ташкилотчилар маҳаллий ва хорижий оммавий ахборот воситалари вакилларини, шунингдек, ижтимоий тармоқларда обуначиларнинг катта аудиториясига эга блогерларни жалб қилишган. Улардан баъзилари турли хил ранг ва шаклдаги учувчи шарларнинг ранг-баранг фотосуратларини, шунингдек, албатта, каньоннинг ўзини чоп қилишга улгуришган.
Таъкидлаш жоизки, Бойсун каньони ҳашаматли эмас, унинг қизил ранги ва асрлар давомида шаклланган тошларнинг эрозияси улуғворлик яратади. Объект Сурхондарё вилояти Бойсун тумани марказидан уч километр узоқликда жойлашган.
Сизнингча, Ўзбекистон бу борада америкалик Албукерке ёки туркларнинг Каппадокияси билан рақобатлаша оладими?
