Самарқандда наркокурер талаба 14 йилга қамалди. Бу ҳақида "Замон" ахборот дастурида хабар берилди.
Талаба Самарқанд давлат иқтисодиёт ва сервис университетининг 5-босқич талабаси бўлган Ўтган йили асли Тожикистонлик Санчо исмли йигит билан танишиб қолган. Ундан Ўзбекистонга олиб ўтиладиган гиёҳвандлик воситаларини қабул қилиб, кўрсатилган манзилга олиб бориб беришга келишади.
Тожикистонлик йигитга ўзбекистонлик талабани контракт пулини тўлашига ёрдам беришини айтади.
"Товарни" айтилган манзилга ётказиб бериш хизмат ҳаққи эвазига судланувчига 1000 АҚШ доллари беришни ваъда қилган. Талаба йўл четидаги дарахтлар тагига яширилган пакет ичида 5 дона ўрамдаги оғирлиги 5 кг "опий" гиёҳвандлик воситасини олган вақтида орган ходимлари омонидан қўлга олинган.
Мазкур ҳолат юзасидан суд иши ЖИБ Жомбой тумани судида кўриб чиқилди.
Унга кўра, судланувчи йигитга нисбатан ЖКнинг 59-моддасида белгиланган жазоларни қисман қўшиш йўли билан 14 йил муддатга озодликдан маҳрум қилиш жазоси тайинланган.
