"23 март куни соат 15:16 да Миробод тумани, Тарас Шевченко ва Фидокор кўчалари кесишмасида учта транспорт воситасининг тўқнашуви юз берган. Дастлабки маълумотларга кўра, “Спарк” автомашинасининг 25 ёшли ҳайдовчиси светофорнинг қизиқ ишорасига риоя қилмай, “Малибу” билан тўқнашган ва сўнгра йўл ёқасидаги дарахтга бориб урилган”, -дея хабар бермоқда ИИББ.
Зарба оқибатида “Малибу” йўлнинг қарама-қарши томонига чиқиб кетган ва “Кобальт” билан тўқнашган.
Тўқнашув натижасида “Спарк” автомашинасининг ҳайдовчиси ҳамда йўловчиси турли хил тан жароҳатлари билан касалхонага ётқизилган. “Спарк” автомашинасининг иккинчи йўловчиси эса кўрсатилган тиббий ёрдамларга қарамай касалхонада ҳаётдан кўз юмган.
Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Тергов ҳаракатлари олиб борилмоқда.
