Илгари судланган фуқаро йўл кира ҳаққини тўламаслик учун Сирдарё вилоятида такси ҳайдовчисини бўғиб ўлдирган. Бу ҳақда “Ёшлар” телеканали хабар бермоқда.
Илгари бир неча бор фирибгарлик ва ўғирлик учун судланган Боёвут туманида истиқомат қилувчи фуқаро такси ҳайдовчиси билан 140 минг сўм эвазига Жиззах вилоятининг Зомин туманига боришга келишган.
Ховос туманига етиб борган фирибгар уни кутиб турган оила аъзоларини ҳам машинага миндиришни сўраган. Натижада ҳайдовчи Гулистон шаҳрига кириб боришга мажбур бўлган. Бу ерда у йўл кира ҳаққи учун пул тўламаслик учун ҳайдовчи билан жанжални бошлаган. Такси ҳайдовчисининг ёши катта экани (62 ёш) дан фойдаланиб, эркак уни қаттиқ урган ва арқон билан бўғиб ўлдирган.
Айни пайтда жиноятчи қўлга олинган, мазкур ҳолат бўйича тергов тадбирлари олиб борилмоқда.
