Ҳуқуқни муҳофаза қилиш идоралари ходимлари Самарқанд вилоятида мавжуд бўлмаган рейсларга чипталарни сотиб келган авиакассанинг фаолиятига чек қўйишган. 

Авиакасса Каттақўрғон туманидаги Пайшанба шаҳрида жойлашган бўлган. Унинг раҳбари ва ходими ўзаро тил бириктириб, шу йилнинг май ойидан сентябр ойигача 15 нафар фуқарони алдашган. Эркаклар мижозларга турли хорижий мамлакатларга гўёки арзон сафарларни ваъда қилиб,    мавжуд бўлмаган рейслар учун сохта чипталарни сотишган. Бироз вақт ўтгач, улар рейсларни бекор қилинганини айтишиб, сотиб олинган чипталар учун пуллар қайтарилмаслигини таъкидлашган.

Шунингдек, жиноятчилар Қирғизистондан хорижий мамлакатларга учиб кетишларига ёрдам беришларини ваъда қилиб, фуқароларни қўшни республикага енгил автомобиллар билан юбориш билан шуғулланишган.

Дастлабки тергов давомида фуқароларга 98,8 миллион сўм зарар етказилгани аниқланган.

Ушбу ҳолат бўйича Жиноят кодексининг 168-моддаси 3-қисмининг "б" банди (фирибгарлик) бўйича жиноий иш қўзғатилган.