Олий Мажлиc Сенати раиси Танзила Норбоева Тошкент вилояти депутатлари билан ўтказилаётган видеоселектор йиғилишида «Темир дафтар», «Ёшлар дафтари», «Аёллар дафтари» каби тартибларга тўхталган. Бу ҳақда Тошкент вилояти ҳокимлиги ахборот хизмати хабар бермоқда.

«Ҳақиқатан, бу дафтарлар вақтинчалик кўрилган чора, вақтинчалик ўрнатилган тартибдир. Илгари қилинган ишлар бўйича умумий тарзда ҳисобот берилган бўлса, эндиликда, бу тизимни жуда кўп халқаро ташкилотлар ҳам ўрганиш таклифи билан чиқишяпти. Яъни, мана шу дафтарлар орқали биз фуқароларга манзилли ёрдам беришга эришяпмиз», — деган Танзила Норбоева.