Хитойнинг айрим шаҳарларида аҳолининг Янги йил байрамини уйда ўтказиши учун пул тўлаш бошланди. Бу ҳақда «Korrespondent.net» ёзмоқда.
Янги йил — Хитойдаги энг катта кўламли ва энг муҳим байрам. Бу йил байрам 12 февралдан 27 февралгача давом этади. Расмий равишда хитойликлар етти кун — 12–18 феврал кунлари дам олади.
Баъзи шаҳарларда «байрамни уйда ўтказиш учун» минг Хитой юани(155 доллар) таклиф қилинди. Баъзиларида йирик диққатга сазовор жойларга бепул кириш имконияти берилди. Чанша шаҳар округи туманларидан бирида уйда ўтирганларга 30 гигабайт мобил Интернет, 200 та электрон китоб ва бепул маскалар тарқатилди.
Хитой ҳукумати талабига кўра, уйга қайтмоқчи бўлганлар CОVID-19'га топширган тести натижаси салбийлигини кўрсатиши ва 14 кунлик карантиндан ўтиши лозим.
