Прокуратура маълумотларига ҳавола қилган ҳолда мухбиримиз хабар беришича, Тошкентда бир гуруҳ фуқаролар ноқонуний равишда кредит расмийлаштириб, пулларни легаллаштириш учун криптовалюта харид қилган.

Уч нафар фуқаро маҳаллий тижорат банкларидан бирида 783,6 миллион сўм миқдорида кредит олиб, ўзлари ва дўстларининг номига расмийлаштиришган. Жиноятчилар пулларнинг бир қисмини ўз эҳтиёжлари учун сарфлаб, қолганига 36 минг долларга криптовалюта, шунингдек Spark ва Gentra автомобилларини сотиб олишган. Шундай қилиб, улар жиноий йўл билан олинган пулни легаллаштирмоқчи бўлган.

Мазкур ҳолат бўйича Жиноят кодексининг 167 (ўзлаштириш ёки растрата йўли билан талон-тарож қилиш) ва 243 (жиноий фаолиятдан олинган даромадларни легаллаштириш) моддалари бўйича жиноят иши очилган. Тергов олиб борилмоқда.