Ўзбекистон 1 январдан бошлаб тўлиқ электрон "касаллик варқалари"ни беришга ўтди, аммо иш берувчилар ҳали ҳам поликлиникаларда мавжуд бўлмаган қоғоз шаклларини талаб қилишмоқда, рақамли “бюллетенларни” иш берувчилар базасига ўтказиш учун электрон тизим ҳам мавжуд эмас.
Эслатиб ўтамизки, 1 январдан бошлаб бутун Ўзбекистон бўйлаб вақтинча меҳнатга лаёқатсизлик варақалари (касаллик варақалари) ва бошқа тиббий маълумотномаларни қоғоз шаклида бериш тақиқланган.
Аммо Соғлиқни сақлаш вазирлиги электрон касаллик варақаларини бериш учун тўлиқ тизимни жорий этишни, шунингдек уларни ўтказиш учун иш берувчилар базаси билан интеграция қилишни унутганга ўхшайди.
Поклиникаларда касаллик варақаларининг йўқлиги ижтимоий тармоқларда фаол муҳокама қилинмоқда, турли хилдаги тахминлар ва маслаҳатлар билан тўлиб тошган, аммо одамларга нима қилиш кераклиги ҳақида расмий маълумот йўқ. Шарҳловчилар турли фикрларни билдиришмоқда.
Баъзиларнинг фикрига кўра, "касаллик варақалари"ни электрон шаклда очиш мумкин, аммо бу ҳолда қандай қилиб имзоларни йиғиш ва муҳрларни қўйиш мумкин? Бухагалтерия электрон касаллик варақасини нима қилиши керак ва уни ҳисобот учун қандай ҳисобга олиш мумкин?
Иккинчидан, иш жойида касаллик варақасининг фақатгина қоғоз шакли талаб қилинади, акс ҳолда ишда бўлмаганлик учун пул тўланмас экан.
Бошқалар "бюллетен" бланкасини my.gov.uzдан юклаб олишни ва уни чоп қилишни таклиф этишмоқда. Аммо у кучга эга бўладими? Ахир, бланкда ноёб рақам бўлиши керак.
"Поликлиниканинг таъкидлашича, муаммо қоғоз шаклидаги касаллик варақасининг рақамисиз ва сканерисиз электрон касаллик варақасини базага юбормайдиган дастурда эмиш. 2024 йил 1 январдан бошлаб эса қоғоз варианти бекор қилинган. Фақат “жонажон” Соғлиқни сақлаш вазирлигимиз ва унинг дастурчилари бунга тайёр эмас экан. Дастур тўлиқ ишлаб чиқилмаган, керакли буйруқлар ҳатто ёзилмаган. Салом тартибсизлик!", - деб ёзмоқда Истеъмолчи.уз гуруҳи аъзоси.
Ушбу вазиятдан чиқиш йўли сифатида иштирокчилар вақтинча меҳнатга лаёқатсизлик тўғрисида шифокордан маълумотнома олиш ва уни ишда тақдим этишни таклиф қилишган. Маълумотнома ишда бўлмаганликни тасдиқлайди, аммо иш жойида йўқлиги учун пул тўлашга асос эмас. Поликлиникаларда бланклар пайдо бўлгандан кейин (ёки электрон тизим билан боғлиқ муаммо ҳал қилинганидан сўнг), иш берувчига тўлаш учун қоғоз ёки электрон шаклда бланкни тақдим этиш мумкин бўлади.
"Янги йилдан бошлаб касаллик варақалари бланклари поликлиникага келтирилмаяпти. Биз туман соғлиқни сақлаш бўлимига мурожаат қилдик ва бланкалар билан таъминлашга ваъда берилди, аммо бу қачон бўлиши аниқ эмас. Шифокорлар электрон шаклдаги касаллик варақалари ҳақида билишади, аммо поликлиникамизнинг компьютер тармоғида бундай имконият ҳали йўлга қўйилгани йўқ", – деди пойтахт поликлиникаларидан бирининг участка шифокори.
Соғлиқни сақлаш вазирлигининг матбуот-хизматига мухбиримизнинг қоғоз шаклидаги касаллик варақалари ва электрон тизимга ўтиш тўғрисида қилган кўплаб сўровлари жавобсиз қолди.
