Ўзбек қўшиқчилари битта хизматдан қанча ҳақ олишлари кўпчиликка қизиқ бўлса керак. Журналист Наргиза Муродова таниқли санъаткорлар пойтахтдаги «бирров»ларга қанчага бориши билан қизиқди.

Юлдуз Усмонова

^{Фото: Instagram / @yulduzibragimovnausmonova}
Ўзбек эстрадасининг примадоннаси пойтахтдаги «бирров»ларга 2000 АҚШ долларидан камига бормайди. Бу ҳақ эвазига 6 та қўшиқни ижро этиб, тўй эгаларининг кайфиятини кўтаради.

Озода Нурсаидова

^{Фото: Instagram / @ozodaofficial}
У пойтахтдаги тўйларда кўп кўринмайди. Уни кўпроқ қўшни республикалар ва вилоятларга таклиф этишади. Пойтахтдаги «бирров» 1000 АҚШ долларини ташкил этса, чекка вилоятдаги хизмат ҳақи бундан ҳам қимматроқ.

Муниса Ризаева

^{Фото: Instagram / @munisarizaeva}
Тошкент шаҳрида тўйларда фаолликни қўлдан бой бермайдиган Муниса Ризаева «бирров»га 800 АҚШ долларидан камига кирмайди. Бир кунда камида 2 та хизмати бўлгани учун тўртта қўшиқни ижро этиш билан кифояланади.

Улуғбек Раҳматуллаев

^{Фато: Instagram / @ulugbekrahmatullaev}
Унинг «бирров» нархи ҳам Муниса Ризаеванинг гонорари билан бир хил. У ҳам 800 АҚШ доллари эвазига ташриф буюради. Фақат тўйхонадаги мухлислар талаби билан қўшиқ сонини бир нечтага кўпайтириши мумкин.

Райҳон Ғаниева

^{Фото: Instagram / @rayhonganiyeva}
Райҳон Ғаниева эса пойтахтдаги «бирров»ларга 700 АҚШ доллари эвазига ташриф буюради. Рэпертуаридаги бешта энг хит қўшиғини ижро этади.

Мавлуда Асалхўжаева

^{Фото: Instagram / @mavludauz}
Устоз санъаткор Мавлуда Асалхўжаева тўй хизматлари борасида ёшлардан ортда қолмайди. Унинг пойтахтдаги «бирров»ларга 600 АҚШ долларига ташриф буюради ва улардан фарқли ўлароқ даврани 8 та қўшиқни ижро этмай тарк этмайди.

Алишер Файз

^{Фото:Instagram / @alisherfayz_insta}
Алишер Файз ҳам «бирров»ларга 600 АҚШ долларига ташриф буюради ҳамда 5-6 та қўшиқ ижро этади.

Шоҳруҳҳон

^{Фото: Instagram / @_shohruhhon_}
Шоҳруҳхон пойтахт тўйларининг қироли ҳисобланади. Талабгирлик борасида унга ҳавас қилиш мумкин. У 600 АҚШ доллари эвазига бешта қўшиқ ижро этади.

Шоҳжаҳон Жўраев

^{Фото:Instagram / @shohjahon_djurayev}
У пойтахт тўйларига 600-650 АҚШ доллари эвазига ташриф буюради. Камида бешта қўшиқни ижро этмай, тўйхонани тарк этмайди.

Севинч Мўминова

^{Фото: Instagram / @sevinchofficial}
Севинч Мўминовани деярли пойтахт тўйларида учратмайсиз. У вилоятдаги хизматларда анча фаолроқ. Пойтахтдан «бирров» чиқса рад этмайди ва 500 АҚШ доллари эвазига 4-5 та қўшиқни ижро этади.

Нилуфар Усмонова

^{Фото: Instagram / @nilufarusmonova}
Нилуфар Усмонова эса 500 АҚШ доллари эвазига 5 та қўшиқ ижро этади. Бу ҳар бир қўшиқ 100 АҚШ доллари дегани.

Зиёда

^{Фото: Instagram / @ziyodamusic}
Унинг гонорари Нилуфар Усмонова билан бир хил. Унинг ҳам «бирров»лари 500 АҚШ доллари. Фақат қўшиқлар сони борасида мухлислар талабини инобатга олади.

Зоҳиршоҳ Жўраев

^{Фото: Instagram / @zohirshohofficial}
Жўраевалар сулоласининг кенжа вакили Зоҳиршоҳ Жўраев пойтахтдаги «бирров»ларга 400 АҚШ долларига ташриф буюради.

^{Фото: Instagram / @niyozova_dildorahon}
Дилдора Ниёзованинг гонорар ҳаққи ҳам шундай.

Малика Равшанова

^{Фото: Instagram / @malika_ravshanova}
Дарвоқе, кейинги вақтларда Instagram’да хонанда Малика Равшанованинг таваллуд айёмлардаги иштироки акс этган видеоларни кўп учратаяпмиз. Хўш, хонанда бундай «янгича» маросимларга қанча ҳақ эвазига боради? Бу саволга хонанданинг маъмури 250 АҚШ доллари деб жавоб берди.

Изоҳ: Хонандалар тўйлардан оладиган пулининг бир қисмини продюсерлик фирмаси ёки маъмур олади. Хизмат ҳаққида созандалар ва ДЖнинг ҳам улуши бор.