Маҳаллий ҳокимлик вакиллари пиёдалар хавфсизлигини таъминлай олмаётгани боис, одамлар бу билан боғлиқ муаммоларни ўзлари ҳал қилишмоқда. Бундай ҳолатлардан бири яқинда Бухоро вилоятининг Шофиркон туманида юз берган. Йўл ҳаракати қоидаларини бузган маҳаллий тадбиркорнинг ҳайдовчиси йўлда аёл ва болани қарийб уриб юборган. Шундан сўнг, бу аёлнинг турмуш ўртоғи тадбиркорнинг олдига бориб, уни шундай калтаклаганки, жабрланган фуқаро касалхонага ётқизилган. 

Ушбу воқеа шундай бошланган. "Шодлик" маҳалласида жойлашган шишани қайта ишлаш цехининг 23 ёшли раҳбари мия чайқалиши ва суяк синиши ташхислари билан Шофиркон тумани тиббиёт бирлашмасига ётқизилган.

Ушбу ҳолат юзасидан тергов ҳаракатлари ўтказилиб, 28 июль куни соат 12.00 да Шофиркон туманидаги "Зарчабек" маҳалласида яшовчи тадбиркор ва 31 ёшли эркак ўртасида низо келиб чиққанлиги аниқланган. Эркак тадбиркорнинг бошига бир неча марта зарба берган.

Тажовузкорга қарши Жиноят кодексининг 104-моддаси 1-қисми (қасддан оғир тан жароҳати етказиш) бўйича жиноий иш қўзғатилган ва у ҳибсга олинган.

Жиноят иши доирасида маълум бўлишича, бир кун олдин гумон қилинувчининг аёли ва уларнинг вояга етмаган боласи йўлни кесиб ўтаётганда, тадбиркорнинг корхонасига тегишли бўлган машина уларни уриб юборишига сал қолган. Ҳайдовчи йўл ҳаракати қоидаларини менсимасдан, аёл ва унинг вояга етмаган ўғлига йўл бериш ўрнига, уларнинг ҳаётини хавф остига қўйиб, кескин манёврни амалга оширган.

Бундан хабар топган эркак гаплашиб олиш учун тадбиркорнинг ёнига борган ва унга тан жароҳати етказган.

Ушбу иш бўйича тергов ҳаракатлари давом этмоқда. Фуқарога уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш жазоси берилиши мумкин.