Тошкентда ўтган ёмғир туфайли баъзи маҳаллалар сув остида қолган. Ижтимоий тармоқларда Шайхонтоҳур ва Учтепа туманларида юз берган сув тошқини ҳақидаги хабарлар тарқалган.

Хусусан, гувоҳлар пойтахтнинг Шайхонтоҳур туманидаги Қубир ариқ кўчасидаги "Самарқанд дарвоза" маҳалласида сув тўпланишини айтиб, кўрсатиб ҳам беришган.

"Ёмғир пайтида бутун йўл бўйлаб сув тўпланади, новалар қисман йўқ. Сув дренажга кетади, канализация люкидан ҳамма нарса юқорига кўтарилади. Мутлақо ҳамма нарса-нажас, презервативлар ҳам юқорига чиқади. Бир кундан кейин ҳамма нарса қурийди ва асфальтда қолади, сўнгра ҳидланади. Даҳшатли ҳид камида бир ҳафта туради. Барча аҳоли бу билан нафас олади. Бундан ташқари, ёмғир ёғганда, болалар мактабга бормайдилар, чунки кўчани кесиб ўтишнинг иложи йўқ",- демоқда туман аҳолиси Tashkent Land каналига.

Учтепа туманидаги Фарҳод кўчасида йўлларни ариқлардан тошган сув босган.

"Сув новалардан ариқларга тушиши керак, аксинча, сув ариқдан чиқиб, пиёдалар ўтиш жойини ҳам, яқин атрофдаги чорраҳани ҳам босмоқда", – дея гапирмоқда шаҳарликлар.

7 январь кечаси хизматлар муаммоларни бартараф этиш билан шуғулланишган – сувни тортиб олиб, ариқларни тозалашган. Бироқ, фуқароларнинг хабарларига кўра, бу муаммолар тизимли бўлиб, уларни ҳал қилиш учун Тошкентда тезкор чораларни амалга ошириш лозим. Акс ҳолда, биз оқибатларга қарши абадий курашаверамиз.