Жиноят ишлари бўйича Мирзо-Улуғбек тумани суди Исроил элчисини ижтимоий тармоқларда ҳақорат қилган ўзбекистонликка нисбатан ҳукм чиқарган.
Иш материалларига кўра, хоразмлик 36 ёшли эркак Телеграм каналларидан бирида Исроил элчисининг Ўзбекистондаги миссияси якунлангани ҳақидаги хабар остида агрессив изоҳ қолдирган.
Шарҳловчи ИИБга суҳбатга чақирилган. Бироқ, эркак ҳуқуқни муҳофаза қилиш идораси ходимларига бўйсунмаган ва ички ишлар бўлими биносига кираверишда жанжал чиқарган, сўкинч сўлардан фойдаланган ва жамоат тинчлигини бузган.
Суд уни Маъмурий жавобгарлик тўғрисидаги Кодекснинг 183-моддаси (кичик безорилик) ва 194-моддаси 1-қисми (ички ишлар органлари ходимининг қонуний талабларига риоя қилмаслик) бўйича айбдор деб топган. Унга 10 кунлик қамоқ жазоси тайинланган, шунингдек, 510 минг сўмга жарима қилинган.
