18 февраль куни АҚШ ва Россия делегациялари Ар-Риёдда тўрт ярим соатлик музокара ўтказиб, Украина можаросини ҳал этиш бўйича илк қадамни ташлади. Президент Доналд Трамп бу учрашувни “жуда яхши” деб баҳолади, дипломатик муваффақиятга бўлган ишончини билдириб, келишувга нисбатан ишончининг “анча мустаҳкамланганини” таъкидлади.

Икки томоннинг ижобий кайфияти:
Россия ташқи ишлар вазири Сергей Лавров музокаралар натижасида икки давлат дипломатик муносабатларни тиклашга келишиб олганини маълум қилди. Бу эса халқаро муносабатларда илиқлик пайдо бўлишига умид уйғотади.

Санкциялар ва реаллик:
АҚШ давлат котиби Марко Рубио Украина можароси ҳал бўлгандан кейин Россияга қарши санкцияларни бекор қилиш масаласи муҳокама қилинишини ишора қилди. Лекин бу — узоқ муддатли жараён бўлиши аниқ.

Хулоса:
Ар-Риёддаги музокаралар ҳақиқий дипломатик бурилишми ёки халқаро саҳнадаги навбатдаги дипломатик одоб? Буни вақт кўрсатади. Ҳозирча эса ҳар икки томоннинг музокаралардан қониққанлиги — кичкина бўлса-да, ижобий сигнал!