Жиззах вилоят судлари, қуйи судлар, туман ҳокимлиги, бошқа идора ва ташкилотлар ҳамкорлигида Жиззах вилоятининг Зарбдор ва Зомин туманларида “Аёллар дафтари”га киритилган хотин-қизларга манзилли ҳуқуқий ёрдам кўрсатиш бўйича бир қатор ишлар амалга оширилди.

Ўтган 6 март куни Жиззах вилоят суди, Жиззах вилоят маъмурий суди судлари раислари ва судьялари ҳамда суд ходимлари Зарбдор ва Зомин туманлариида ўтказилган ижтимоий-иқтисодий ва ҳуқуқий жиҳатдан кўмакка муҳтож хотин-қизларнинг муаммоларини ҳал этишга бағишланган йиғилишларда иштирок этишди.

Унда хотин-қизларнинг суд-ҳуқуқ соҳасига оид муаммоларини ўрганиш ва уларни қонунда белгиланган тартибда ҳал этиш механизмлари тўғрисида таклифлар билдирилди.

Зарбдор туманида 22 та маҳалла мавжуд бўлиб, шундан 14 та маҳалла ва қишлоқ фуқаролар йиғинларидан келган хотин-қизлар билан қабул ўтказилди.

Қабул қилинган хотин-қизларнинг 6 нафари суд-ҳуқуқ масалаларида,  22 нафари эса ижтимоий-иқтисодий ва бошқа масалаларга оид мурожаатларни ташкил этди.

Суд-ҳуқуқ масалаларидаги 6 та мурожаатлардан 2 та мурожаат бўйича алимент ундириш белгиланиб, 2 та мурожаат бўйича никоҳдан ажратиш ва 1 та мурожаат бўйича меросдан улуш ажратиш ҳақидаги даъво ариза ва илова қилинадиган ҳужжатлар билан биргаликда судга мурожаат этиш ҳуқуқи тушунтирилди.

Ижтимоий-иқтисодий ва бошқа масалаларга оид 22 та мурожаатлардан 3 та мурожаат юзасидан туман бюджетдан ташқари пенсия жамғармасига, 1 та туман тиббиёт бирлашмасига, 11 та маҳалла ва оилани қўллаб қувватлаш бўлимига, 2 та бандликка кўмаклашиш туман бўлимига,  
2 та  туман ҳокимлигига, 3 та туман кадастр хизматига мурожаат қилиш ҳуқуқи бўйича тушунтиришлар берилди. 

Жойида 3 та мурожаат ижобий ҳал этилди. 3 алимент ундириш бўйича ариза қабул қилиниб, суд буйруқлари чиқарилди.

Зомин туманида хотин-қизларнинг 2 нафари суд-ҳуқуқ масалаларига, 1 таси эса ижтимоий-иқтисодий ва бошқа масалаларга оид мурожаатларни ташкил этди.