Жиззах шаҳридаги 29-сонли “Меҳрибонлик уйи”да вояга етмаганлар ишлари бўйича вилоят идоралараро комиссиясининг 2021 йилги иш режаси ҳамда вилоят прокурорининг тадбирлар режасига асосан Жиззах шаҳар ва барча туманлар ҳокимликларидаги комиссиялар маъсул котиблари, ҳалқ таълими бўлимидаги хомийлик ва васийлик органи маъсул ходимлари, (келишув асосида) вояга етмаганлар ҳуқуқ ва эркинликларини таъминлаш борасидаги фаолиятни назорат қилувчи шаҳар ва туман прокурорларининг ёрдамчилари иштирокида Васийлик ва ҳомийлик органлари фаолиятини янада такомиллаштириш, уларнинг болаларнинг ҳуқуқ ва эркинликларини таъминлаш ҳамда болаларга ҳамҳурлик қилишдаги масъулиятини янада оширишга қаратилган фаолиятини такомиллаштириш борасида фикрлар алмашиш мақсадида  кенгайтирилган йиғилиш ўтказилди.

Дастлаб, семинар қатнашчилари “Меҳрибонлик уйи” тарбияланувчиларга яратилган шарт-шароитлар билан танишдилар ва тарбияланувчиларга ҳудудлардан келтирилган ўқув жиҳозлари, китоблар, ўйинчоқлар ҳамда бошқа товар моддий бойликларни тақдим этдилар.

Шундан сўнг, “Меҳрибонлик уйи” мажлислар залида Кенгайтирилган семинар бўлиб унда Ўзбекистон Республикаси Президентининг “Етим болалар ва ота-онасининг қарамоғидан маҳрум бўлган болаларни ижтимоий ҳимоя қилишни кучайтришга оид қўшимча чора-тадбирлар тўғрисида”ги Қарори ҳамда мазкур қарор ижросини таъминлаш мақсадида қабул қилинган Вазирлар Маҳкамасининг 739-сон қарорлари мазмун ва моҳияти билан иштирокчилар таништирилиб, фаолиятни олиб боришда йўл қўйилган камчиликлар ва бу камчиликларни бартараф этиш учун қилиниши лозим бўлган ишлар юзасидан иштирокчиларнинг таклифлари эштилди.

Шунингдек, семинар иштирокчиларидан тушган саволларга вилоят комиссияси маъсул котиби Г.Ҳамраева, вилоят прокурорининг катта ёрдамчиси Д.Абдурасулов, вилоят ҳалқ таълими бўлими маъсул ходими Э.Усмоновлар батафсил жавоб бердилар.

Семинарда иштирок этган маъсулларга фаолият самарадорлигини оширишга қаратилган тегишли кўрсатма, тавсия ва топшириқлар берилди.