Ўзбекистонга яхши экология керак, бу ҳаво сифатини яхшилаш ва одамлар учун қулай ва муносиб ҳаёт яратиш бўйича қатор дастурларнинг муҳим йўналишларидан биридир. Ахир биз буни амалга ошира оламиз, деди Шавкат Мирзиёев ўтган ҳафта охирида ўтказилган видеоселектор йиғилиши давомида.
Шунингдек, президентнинг қўшимча қилишича, Тошкент шаҳри ташаббуси билан ёши бешдан катта бўлган ҳам мевали, ҳам манзарали дарахтлар экиш бошланган. Уларнинг тартибли экиш бўйича тажриба ҳам орттирилган. Мирзиёев вилоят ҳокимларига ушбу тажрибани ўрганиш ва уни ҳудудларда амалга ошириш бўйича кўрсатма берган.
"Маълумки, "Яшил макон" дастури доирасида фақатгина шу йилда 700 км ирригация тармоқларини ётқизиш ва 260 та қудуқ ўрнатиш режалаштирилган. Шуни таъкидлайманки, менга сон емас, балки сифат муҳимдир. Менга яхши экология керак, бу ҳаво сифатини яхшилаш ва одамлар учун қулай ва муносиб ҳаёт кечириш бўйича қатор дастурларнинг муҳим йўналишларидан биридир. Ахир биз бунининг уддасидан чиқа оламиз", - дея таъкидлади давлат раҳбари.
Мутахассисларнинг фикрича, бир гектар ўрмон қоплами ўртача 200 минг киши истиқомат қиладиган ҳудудни тоза ҳаво билан таъминлайди. Кенг баргли дарахтлар бундай майдонда 5 кг фойдали моддаларни ажратиб чиқаради, бу эса бактерияларни зарарсизлантиришга ёрдам беради. Яшил боғлар ифлосланган ҳавонинг 85 фоизини тозалаш имкониятига эгадир.
