Бухорода йигитнинг ўз жонига қасд қилганини акс этган видео тарқалди. Кимгадир қўнғироқ қилиб, эркак катта тезликда ҳаракатланаётган автобуснинг тагига ўзини ташлаган.  

Видеороликдан маълум бўлишича, йўл ёқасида турган эркак кимгадир   қўнғироқ қилган. Аммо жавоб бўлмагач, катта тезликда яқинлашиб келаётган Isuzu автобусининг олдига югуриб чиққан ва кутилмаганда унинг ғилдираклари остига ташланган. Ҳайдовчи автобусни тўхтатишга улгурмаган.

Ҳодиса 28 сентябрь куни соат 9:00 атрофида Бухорода содир бўлган. Ҳалок бўлган киши Хоразм вилоятида туғилган 23 ёшли эркак экан. Фожиали ҳаракатга нима сабаб бўлгани номаълум.

Воқеа жойида ҳуқуқни муҳофаза қилиш ва тергов органлари етиб боришган, воқеа гувоҳлари кўрсатма беришган. Ҳозирда терговдан олдинги текширув ва суд-тиббий экспертиза ўтказилмоқда, бу эркакнинг ўлимига нима сабаб бўлганини аниқлашга ёрдам беради.

Ушбу ҳолат бўйича тегишли идоралардан расмий шарҳлар ҳозирча берилмаган.