Қўқонлик эркак ноқонуний равишда руҳий касалхонага ётқизилган. Эркак Омбудсмандан ёрдам сўраган.
Жабрланувчининг хабар беришича, профилактика инспектори ва маҳалла вакиллари уни руҳий касалхонага ётқизишган, шу билан бирга у муассасада тиббий кўрикдан ўтишга розилик хати имзоламаган. У уч кун давомида текширилиб, соғломлиги тасдиқланганидан сўнг кейин уйига жўнатилган.
Вазиятни Инсон ҳуқуқлари бўйича вакилнинг Фарғона вилоятидаги ҳудудий вакили текширган.
Ўрганиш давомида касалхонада қабул қилинган розилик хати имзосиз эканлиги аниқланган. Натижада, фуқаронинг розилигисиз тиббий кўрикдан ўтказган шифокор ҳайфсан олган.
