Наманганда Қирғизистондан сув канали орқали сигареталарни олиб келган контрабандачилар ушланган

Улашиш:

Наманган вилоятида яшовчи фуқаролар қўшни Қирғизистондан контрабанда сигареталарини олиб келиш учун каналдан фойдаланган. Улар товарни сувдан олиш пайтида ҳибсга олинган.  

Вилоят ички ишлар бошқармаси матбуот-хизмати маълумотларига кўра, 30 июнь куни Янгиқўрғон туманида ҳуқуқ-тартибот идоралари ходимлари контрабанда сигаретлари солинган қопларни каналдан олиб чиқаётган уч кишини ҳибсга олишган. Таъкидланишича, сигареталар Қирғизистонда сувга туширилган.

Тадбир давомида умумий қиймати 100 миллион сўмлик 9 минг дона Milano сигареталари мусодара қилинган.

Ушбу ҳолат бўйича Жиноят кодексининг 186-1-моддаси (“Этил спирти, алкогол ва тамаки маҳсулотларини ноқонуний сотиш ёки ишлаб чиқариш”) бўйича жиноят иши қўзғатилган. Тергов олиб борилмоқда.

Эслатиб ўтамизки, Ўзбекистон ва Қозоғистон чегарасида контрабанда учун фойдаланилган уч юз метрлик туннел топилган.

2014-2024 SANGZOR.uz. "KUMUSH SERVIS MEDIA" MCHJ.